Në një konferencë për mediat, Ministri i Brendshëm Sandër Lleshaj është pyetur sërish në lidhje me zërat ende jo zyrtarë që flasin për një dorëheqje. Një nga ministrat më të rëndësishëm të qeverisë Rama, konfirmoi edhe një herë se është akoma në detyrë dhe po vazhdon të punojë.
“Është përgjegjësia juaj që ti verifikoni. I kam dëgjuar me vonesë lajmet dhe përgjithësisht nuk e kam për zakon të komentoj lajme që nuk kanë kuptim. Siç e shikoni do të vazhdoj që të jem në këtë detyrë. Nuk ka asgjë të vërtetë për largim”, deklaroi Lleshaj.
Pak ditë më parë, ai tha nga qyteti i Vlorës se nuk do të jetë i përhershëm në qeveri!
