Kreu i Partisë Konservatore, Kujtim Gjuzi, i pyetur nëse në 13 tetor do kemi përplasje, tha se kjo datë do të jetë një qetësi vjeshte. Ai është marrë edhe me figurën e presidentit Meta, duke vlerësuar strategjitë e tij. Po kështu, e ka këshilluar kreun e Shtetit që të merret me LSI-në, të cilën e drejton bashkëshortja e tij, Monika Kryemadhi.
“13 tetori është një qetësi vjeshte, se bien edhe gjethet e vjeshtës në atë kohë, duke kaluar kjo nxehtësia e madhe e korrikut tani. Unë mendoj që Meta është i zgjuar kështu, është inteligjent, ka kapur tre poste në Shqipëri edhe mund ta mendojë, edhe thotë po sikur të iki njëherë çfarë ndodh?! Të merret pak me LSI-në, sepse është çakorduar komplet opozita, LSI-ja, të gjitha.
Nuk merret vesh se çfarë bëhet atje. Në këto kushte, unë them se mund të jepte një ndihmë pranë LSI-së, nëse do ta dëgjonte këshillën. Nëse jo, pastaj ka problem me qelitë e ftohta që janë bërë gati në Shkodër, se vjen dimri pas vjeshtës”.
