Meta zbuloi për herë të parë sot në emisionin “Open”, se ambasadori Donald Lu, për një rast i ka kërkuar falje. Mjaft i drejtëpërdrejtë ndaj ambasadorëve, e me një gjuhë të ashpër, Meta ka dhënë paralajmërimin e radhës. Duke i cilësuar si vagabondë, ai tha se nuk do të ketë tolerime për askënd, pavarësisht postit që ata mbajnë.
“Lu më ka kërkuar falje, dhe thoshte se i deziformonte PS-ja”, deklaroi Presidenti i Republikës, Ilir Meta.
“I kam përkëdhelur më shumë seç duhet këta… unë do jem shumë i qartë për cilindo vagabond kombëtar që mendon se mund të poshtërojë popullin shqiptar”.
Më tej, presidenti ceku sërish çështjen Dvorani. “Nuk kam hequr dorë nga kallëzimi për Dvoranin. Do bëhet shembull për të rikthyer besimin tek reforma në drejtësi. Që askush të mos tallet me reformën, si në këto dy vitet. Faktet janë flagrante, dëmi është i madh, nuk bëj shaka për Kushtetuesen”.
Meta i vë kufirin Ramës: Përdor ambasadorët për të kapur institucionet
Ilir Meta ka vendosur ta depozitojë personalisht kallëzimin penal për kreun e Këshillit të Emërimeve në Drejtësi, Ardian Dvorani.
Këshilltarët e Kreut të Shtetit e kanë përfunduar dosjen me të gjitha akuzat për Dvoranin, duke përfshirë në të dhe emra të tjerë zyrtarësh të lartë, të përshirë në atë që e quajnë aferën e Gjykatës Kushtetuese.
Pjesë e dosjes voluminoze, siç ka lajmëruar vetë institucioni i Presidencës, do të jetë dhe një video. Që siç ka deklaruar zëdhënësi i Kreut të Shtetit, do të nxjerrë në publik fytyrën e vërtetë të kreut të KED.
Sipas Ilir Metës, kreu i KED, me dërgimin e të dy listave njëkohësisht për anëtarët e rinj të Gjykatës Kushtetuese për vakancat që i takojnë Presidentit, ka dashur ta detyrojë Kreun e Shtetit të shkelë Kushtetutën.
Paralajmëron Meta: Nëse Dvorani nuk hetohet, do ketë ndëshkim ndërkombëtar
