Ish-deputetja e LSI-së, Kejdi Mehmetaj ka komentuar debatin e sotëm mes zëdhënësit të Presidentit Ilir Meta, Tedi Blushi, dhe deputetes demokrate, Rudina Hajdari, lidhur me mosrespektimin e heshtjes zgjedhore.
Në postimin e saj në Facebook, Mehmetaj shkruan se nuk ka dashur kurrë të merret me marrëzitë e Hajdarit por thekson se “shërbimet që i ka bërë qeverisë Rama, do ja kishte zili edhe vet Elisa”.
Ajo vijon me ironinë e saj duke thënë se tashmë, deputetja Hajdari i është shtuar grupit të fortë të konkurencës që është krijuar brenda Rilindjes, se kush i bën më shumë hije shefit të madh.
Postimi i plotë :
“Me Rudinën nuk kam dashur të merrem kurrë, marrëzitë e saj i kam justifikuar me pamundësitë fizike dhe rrethanore që ka për të gjykuar drejtë!
Shërbimet që i ka bërë qeverisë Rama, do ja kishte zili edhe vet Elisa. Më duket se i është shtuar grupit të fortë të konkurencës që është krijuar brenda Rilindjes, se kush i bën më shumë hije shefit të madh. Nën siglën e PD, nuk la zyrë e derë pa hedhur vrer. Megjithatë, për këto, përgjigjen do e japë përballë votuesve të PD.
Tani, meqënëse Rudina që na u shit me principe përëndimore, ra në vulgun e Ramës e filloi komentet me gra e familje, po i kujtoj kodin e moralit të shqiptarit:
Familja është e shenjtë, nuk preket! E përpara se të shesë moral e të bëj shenjtoren në hapsirën politike shqiptare, duhet ta dijë se për të qenë shenjtore nuk mjafton një “shën” përpara!”.
