Aktorja dhe regjisorja, Ilire Vinca, është artistja e radhës që kryeministri Edi Rama ka zgjedhur të citojë, në lidhje me çështjen e godinës së Teatrit Kombëtar.
Në mesazhin e saj të shpërndarë në Facebook nga Rama, aktorja shprehet se po të kishte mundësi të ndërtohej një teatër i ri në vendin ekzistues do të ishte mrekulli
Sipas saj, një godinë e re do të krijonte mundësi edhe teknike për punëtorët e teatrit dhe organizimin e shfaqjeve, ‘si edhe për audiencën do të ishte një freski’.
Postimi i plotë:
Ilire Vinca, aktore dhe regjizore, me një sërë produksionesh të suksesshme dhe anëtare e Këshillit Drejtues të Teatrit Kombëtar të Kosovës, ka këtë opinion për Teatrin Kombëtar
ILIRE VINCA :
Po të kishte mundësi të ndërtohej një teatër i ri në vendin ekzistues do të ishte mrekulli. Teatri është zhvilluar shumë në vendet tjera për nga ana teknike, çka iu mundëson artistëve të sjellin në jetë kreativitetin e tyre, madje edhe i frymëzon për gjetje të reja. Përveç kësaj, një teatër i ri do të krijonte mundësi edhe teknike për punëtorët e teatrit dhe organizimin e shfaqjeve. Nga ana tjetër, edhe për audiencën do të ishte një freski. Uroj të bëhet sa më shpejt!
