Kryetarja e LSI-së, Monika Kryemadhi është shprehur se shembja e Teatrit Kombëtar mund të ndalohej vetëm nga një ushtri.
E ftuar në emisionin “Open” në Top Channel, Kryemadhi ritheksoi se godina e re e Teatrit do të ndërtohet në të njëjtin truall dhe ashtu siç ishte.
“Teatri Kombëtar do të shembej edhe sikur aty të ishin 1 mijë vetë. Shembja mund të ndalej vetëm me ushtri. Por Teatri Kombëtar do të ndërtohet aty ku ishte dhe ashtu siç ishte”, tha ajo.
Më tej, Kryemadhi ka komentuar edhe deklaratën e bërë nga ajo gjatë protestës, ku u shpreh se “do ia hante veshin Edi Ramës”.
“Mos u çudisni se e pallogaritshme jam. E di shumë mirë se e mban mend se si asfaltoj sheshin në Kombinat. Për 10 minuta. Bilbiloste. Un nuk kërcënoj për interesat e mija. Për mua nuk ka rëndësi ca bëj unë për veten time. Kujt i hyj unë në punë 46 vjeç. Por fëmijët e mijë dhe të tjerët të ketë një sistem tjetër. Fëmijët e mijë nuk do jenë si unë. Fëmijët e mijë do ta vuajnë shumë më shumë këtë që bëjë unë. Do të kenë të gjithë armiqtë e mijë dhe të Ilir Metës. Vetëm një shoqëri e bashkuar na bën të gjithë bashkë”, shtoi ajo.
