Kreu i Partisë së Lirisë, Ilir Meta, në një konferencë për mediat është përgjigjur në lidhje me ligjin që PS-së që po përgatit të nxjerrë. Sipas ligjit të PS-së, qeveria ka gati një ligj për të nxjerrë nga politika personat që janë bashkëpunëtorë të Sigurimit. Meta pretendon se projektligji i PS-së për bashkëpunëtorët e ish Sigurimit të Shtetit janë nisma anti-Meta, por thekson se Edi Rama do t’i përgjigjet ligjeve dhe firmave që ka hedhur vetë.
“E dinë të gjithë. Më argëton kjo nismë e re për arsye se jo vetëm që ndihmon dhe përshpejton rënien e lirë të kryeministrit aktual dhe në largim, për të ecur më tej drejt fundit të tij të merituar, por shumë të vonuar për arsye që ju i dini shumë mirë.
Deri përpara një viti kontrollonte plotësisht opozitën në vend. Do i japim kënaqësinë për ligjet që bën kundër meje dhe Sali Berishës. Do ia fusim atje ku i shijon më shumë.
Ajo që nuk shmang dot, është që do të përgjigjet sipas asaj që ka bërë vetë, sipas firmave që ka hedhur tak-fak. Kemi denoncuar shumë afera ku Rama është i përfshirë personalisht.
Këtyre parrullave që le të denoncojnë këta, ne i dimë. Ka pasur burra të tjerë që bënin si Ismail Qemali njëherë e një kohë, dhe kishin mendjen për të vjedhur në dogana. Ky edhe më keq do e ketë fundin e vetë”.
