Deputetja Rudina Hajdari ka kundërshtuar sot vendimin e qeverisë, për të shtyrë gjendjen e fatkeqësisë natyrore me dy muaj. Në fjalën e saj në Kuvend, deputetja kërkoi të sqarohej pse u mor ky vendim, pas tregua asnjë arsyetim shkencorë e shëndetësorë. Mjaft e revoltuar, deputetja Hajdari tha se çfarë garancie kanë qytetarët se epidemia nuk do shtohet, në një kohë kur po bëhet hapja graduale.
“Jo thoni dy muaj. Por pse jo dy javë? Por pse jo 1 muaj, sa na lejon afati Kushtetues. Pse sot kërkoni një shtyrje të gjendjes, pa treguar asnjë arsyetim shkencorë e shëndetësorë. Nuk keni dhënë asnjë shpjegim shkencor apo logjik, pse keni ndryshuar fashat orare. Por çfarë ndryshon nga dje, në çfarë faze jemi, çfarë faze kemi. Tregoni sot dhe dua një shpjegim prej jush, duhet të kuptoni që një deputet kërkon llogari pse i merrni këto vendime.
Pse i izoluat shqiptarët me 8 raste dhe doni t’i lironi kur ka mbi 20 raste në ditë. Ju thoni hajde të lirojmë bizneset.
Kërkoni që të bëni hapje graduale dhe çfarë garancie i jepni atyre se epidemia nuk do shtohet. Ku është një shpjegim shkencor, që ju doni të merrni këto vendime? Si ka mundësi që për vanitetin e një kryeministri, ju po merrni këto vendimi. Pse u tërhoqët nga nenet nga Konventa e të Drejtave të Njeriut? Unë po shikoj që gjendja po përkeqësohet, prandaj hajdeni dhe shpjegojeni këtë, se do e paguani shumë shtrenjtë këtë që po u bëni shqiptarëve sot”, u shpreh Hajdari.
