Ish-kryeministri Sali Berisha nuk ka ndërmend që të tërhiqet së shpejti nga politika. Edhe pse u shpall ”non grata” ditën e djeshme nga Departamenti Amerikan i Shtetit (DASH), Berisha u shpreh se do të padisë sekretarin amerikan, Anthiny Blinken për shpifje publike.
Gjatë konferencës për mediat, i pyetur nëse do të japë dorëheqjen nga mandati i fituar në zgjedhjet e 25 prillit, Berisha tha se do ta dyfishojë atë.
Gazetarja: Ju thatë se e keni betejë për dinjitet, pasi të vini në vend dinjitetin tuaj, do ju shohim larg politikës?
Sali Berisha: Urdhëroni?
Gazetarja: Pasi të vini në vend dinjitetin tuaj, do ju shohim larg politikës? Pa mandatin e deputetit?
Sali Berisha: Unë thashë se do ta dyfishosh ti.
