Pas deklaratës së bujshme të dhënë dje nga kryedemokrati Basha për djegien e mandateve, mësohet se PD do të mbledhë grupin parlamentar në orën 10:00. Ai thotë se ka lexuar mesazhin e protestës, dhe ka arritur në përfundimin për të dalë jashtë Parlamentit.
“Ndaj unë jam sot këtu për t’ju thënë me përgjegjësi të plotë se e kam lexuar vullnetin tuaj. Kam vendosur t’i propozoj grupit parlamentar dhe forumeve me të larta politike, djegien e mandateve të deputetëve tanë!”, tha Basha.
Kjo deklaratë e papritur e Bashës, erdhi një ditë pas protestës së opozitës para Kryeministrisë, e cila degjeneroi në dhunë.
