Kryetari i Partisë Demokratike, Lulzim Basha është shprehur se në garën për marrjen e pushtetit më 25 prill, ka nevojë për këdo që vendos interesat e Shqipërisë mbi ato të kryeministrit Edi Rama.
I pyetur në ”RTV Ora” nëse do të bashkëpunonte me disa nga ish-figurat e PD-së si Jozefina Topalli dhe Astrit Patozi, Basha e la mundësinë e hapur.
Lulzim Basha: “Kjo është një betejë ku gjithsecili prej tyre vendos rolin që ka. Çdo shqiptar me 25 Prill do të vendosë vendin në pozicionin që ka. Dhe pozicioni kurrë nuk ka qenë më i qartë, ose me Shqipërinë dhe kundër Edi Ramës ose kundër Shqipërisë dhe me Edi Ramën. Ata që kanë vendosur interesat e Shqipërisë dhe të shqiptarëve mbi interesat e Edi Ramës apo dhe interesat vetjake kanë qenë dhe janë gjithmonë të mirëpritur”.
