Opozita i dogji mandatet e saj për të fituar besimin e qytetarëve. Është kjo deklarata e gazetarit Armand Shkullaku, i cili e sheh lëvizjen e opozitës si një “gur të fundit” që i kishte mbetur asaj për të rifituar besimin e qytetarëve shqiptarë.
I ftuar në emisionin “Zonë e Lirë”, Shkullaku u pyet nga Çani se cila është një tjetër arsye e opozitës për djegien e mandateve, por që ajo nuk e thotë, ndërsa gazetari dha argumentin e mësipërm.
“Guri i fundit që i kishte mbetur për të fituar besimin e qytetarëve”, tha Shkullaku.
Opozita vendosi djegien e mandateve duke kërkuar kështu largimin e Ramës, krijimin e një qeveria tranzitore dhe zgjedhje të parakohshme. Kryeministri Rama ka ftuar ditën e sotme për dialog opozitën, ndërsa ka deklaruar se nuk do të ketë zgjedhje të parakohshme pasi qeveria është legjitime dhe do të qëndrojë të bëjë detyrën e saj, me apo pa opozitën në Kuvend./ Tirana Today
