Kryepeshkopi i Parisit, Michel Aupetit ka mbajtur meshën tradicionale të Krishtlindjes nën një tendë cirku për afro 2,500 adhurues.
Sipas mediave franceze, mesha u mbajt mëngjesin e sotëm në cirkun Gruss, në parkun Bois de Boulogne, i cili ndodhet në anën perëndimore të kryeqytetit francez.
Kjo ishte hera e parë në 200 vite që mesha e Krishtlindjeve nuk zhvillohet në Katedralen ‘Notre Dame’, e cila u përfshi nga flakët në muajin prill të këtij viti.
Rindërtimi i saj përflitet se do të zgjasë me vite, ndërsa presidenti Macron është shprehur se punimet do të përfundojnë brenda vitit 2024.
