Drejtuesi i Departamentit të Mjedisit në Partinë Demokratike, Abi Malltezi ka kërkuar nga kryeministri Rama arrestimin e kryebashkiakut Vangjush Dako.
Teksa publikon disa fotografi të ndërtimeve në Durrës e rrethina, Malltezi shprehet se të tilla ndërtime në rërë janë “Made in Gjushi”.
Malltezi në denoncimin e tij shprehet se vetëm Gjushi mund të bëjë të tilla ndërtime si prej “prestigjiatori”, ndërsa përmend edhe Elvis Roshin, Gent Dajën dhe emra të tjera si të përfshirë në afera ndërtimesh në rërë.
Duke ironizuar kryeministrin se është “ambientalist me raste”, Malltezi kërkon arrestimin për shkelje të Dakos, Roshit dhe jo vetëm.
Statusi i Abi Malltezit:
Prestigjatorët e Edit
Meqë Edin e kemi “ambientalist me raste” dhe dje ishte merakosur për ndërtime në rërë, po ia lehtësojmë punën: 3 fotot e para tregojnë ndërtime “Made in Gjushi” – e para pallati 9-katesh PA LEJE i Gjushit tek shkëmbi Kavajës, dhe dy të tjerat ndërtime m’u në rërë tek ‘Iliria’ dhe tek ‘Teuta’; 2 fotot e tjera me ekskavator në rërë tregojnë ndërtimet në rërë nga Elvis Roshi dhe Gent Daja në Qerret që vjehrri i këtij të fundit (ish drejtor hipoteke) e ktheu nga rërë në tokë bujqësore dhe më pas në truall.
Na gjej një prestigjator kaq të zotin po munde kudo në botë! Tani nëse e ke seriozisht luftën ndaj ndërtimeve në rërë, ja tek i ke Gjushin, Roshin me 4 emra, Dajën dhe Cikalleshin dhe çoji në burg si kriminelë mjedisi. E bën dot?
