Marku, 42 vjeç është një nga pacientët e prekur nga koronavirusi në Shqipëri.
Mbrëmjen e sotme ai dha një intervistë telefonike për emisionin “Open” në Top Channel, ku tregoi më shumë në lidhje me gjendjen e tij.
Gjatë bisedës ai shprehet se beson se është infektuar gjatë një darke me 10 persona, ku tre prej tyre kanë rezultuar pozitiv me koronavirus.
Marku foli edhe për simptomat e virusit, duke i krahasuar ato me të gripit të zakonshëm. 42-vjeçari konsiderohet si rasti i parë në Shqipëri që po shërohet pasi tamponi i parë i doli negativ. Tashmë atij i duhet edhe një analizë tjetër për ta konfirmuar nëse është shëruar tërësisht apo jo.
“Ditët e para kisha vetëm djersë dhe asnjë lloj shqetësimi tjetër. Ditën e tretë filloi temperatura, 38.2 apo 38. 3. Ditën e pestë ka vazhduar mungesa e frymëmarrjes por jo e papërmbajtshme. Pak e zorshme por jo e pamundur. Jam ndihmuar nga mjekët me anë të telefonit, ku kam folur me doktorët dhe urgjencën.
Jo se kam trajtime me antibiotik. Jam ushqyer si ditë të tjera. Kam pirë paracetomol kur kam pasur temperaturë. Kam pirë lëngje. Është çështje paniku më shumë, nuk është një gjë e pamenaxhueshme. Është pak më shumë se gripi normal. Jam në ditën e tetë. Javën tjetër bëhet tamponi i parë dhe kuptoj nëse kam koronavirus.
Besoj nga e hëna. Sot jam shumë mirë. Kam vetëm pak kollë. Është një kollë e thatë por jo e bezdisshme. Është një grip shumë i menaxhueshëm. Nuk ka nevojë për t’u shqetësuar njerëzit.
As për frymëmarrjen, as për temperaturën e lartë. Familjarët e mi janë në karantinë por nuk janë të infektuar. Unë mund të dal para të hënës me rezultat negativ ndaj koronavirusit.
Unë mendoj se e gjithë është vetëm paniku. Po qe se njerëzit do ta kuptojnë kalon shumë më lehtë. Një çikë frikë ishte në fillim. Nuk është se të bllokon menjëherë.
Ushqehu mirë, hap dritaret dhe dil në ballkon. Më ka ndihmuar familja”, është shprehur Marku.
Si je infektuar?
“Kam qëndruar për darkë. Dorën ia kemi dhënë. Tavolina ka qenë e madhe. Nga 10 persona që ishin janë infektuar 3 vite. Risku nuk është 100% që kush takohet mund ta marrë”, ka thënë ai.
