Në 107 vjetorin e Forcave të Armatosura të Shqipërisë, aktorët politikë kanë zgjedhur mënyra të ndryshme për të shprehur mirënjohjen për punën e ushtrisë shqiptare gjatë një shekulli.
Ministrja e mbrojtjes, Olta Xhaçka ka zgjedhur të tregojë një histori sa prekesh por me fund të bukur, lidhur me tërmetin për të shprehur mirënjohjen e saj.
Ajo ka treguar historinë e 9 vjeçares, familja e të cilës u prek nga tërmeti. Por vogëlushja Klea Pushi për fatin e mirë atë ditë festonte ditëlindjen në Tiranë dhe ka mundur të shpëtojë nga katastrofa. Shtëpia e saj ndodhej ngjitur me pallatin 6-katësh, që u shkatërrua totalisht.
https://www.facebook.com/xhackaolta/videos/536085943900746/
“107-vjetori i gjen Forcat e Armatosura më pranë komunitetit se ndoshta kurrë më parë! Ndihmën e pazëvendësueshme të Forcave të Armatosura ndaj komunitetit e ka ndjerë këto ditë edhe Klea e vogël, shtëpia e së cilës u prek nga tërmeti i mëngjesit të 26 Nëntorit. Një popull i tërë ju është mirënjohës sot e gjithmonë, ju heronjve të heshtur që mbërrini të parët kudo ku shqiptarët ndihen në vështirësi. 107 vjet Forcë e Armatosur, simbol i përkushtimit dhe sakrificës! #107VjetFA??”, shkruan ministrja.
