Një lajm i keq vjen nga Greqia, teksa vetëm në 24 orët e fundit kanë humbur jetën 7 persona, duke e çuar në 49 numrin total të vdekjeve të shkaktuara nga koronavirusi.
Ndërkohë janë shënuar 82 raste të reja me virusin Covid-19, si edhe 20 raste të tjera të cilat ndodhën në një anije turistike.
Deri më tani në shtetin fqinj janë regjistruar gjithsej 1,314 raste me koronavirus. Gjatë ditës së sotme, 6 pacientë kanë arritur të shërohen nga virusi vdekjeprurës dhe kanë lënë ambientet e spitalit.
Mediat greke raportojnë se 85 persona që mbahen në repartin e reanimacionit, ndodhen në gjendje kritike për jetën.
Mësohet se autoritetet greke kanë shpallur në gjendje karantine Kosturin, Ksanthin dhe tre bashki të tjera rreth këtyre qyteteve. Karantina do të vazhdojë për 14 ditë dhe do të ketë kufizime të jashtëzakonshme të lëvizjeve.
