Specialistët e ardhshëm të shëndetit kanë dhënë kontributin e tyre për dy zona në Tiranë, ku qytetarë të rastësishëm kanë marrë shërbimin për matjen e tensionit dhe diabetit.
Vullnetarët e “Fundjavë Ndryshe” qëndruan pranë banorëve të dy zonave të Tiranës, duke u ndihmuar grupmoshave të ndryshme. Vullnetarët e “Fundjavë Ndryshe” organizuan një aktivitet, në kuadër të Ditës Ndërkombëtare të Infermierëve.
Infermieria është një mision, jo vetëm një profesion! Dita Ndërkombëtare e Infermierëve është një ditë ndërkombëtare e shënuar në të gjithë botën në datën 12 Maj, për të shënuar kontributet që infermierët i japin shoqërisë. Specialistët e ardhshëm të shëndetit, asistuan mbi 300 pacientë në ditë.
“Me rastin e Ditës Ndërkombëtare të Infermierëve, profesionistët e ardhshëm të shëndetësisëmblidhen sërish për të dhënë shërbimin e matjes së tensionit dhe diabetit falas. Me kënaqësi i shërbyem mbi plot 300 pacientëve këtë ditë. Dje ishim pranë zonës së ish fushës së aviacionit, sot na gjeni pranë fushës së Ali Demit. Faleminderit studentëve për shërbimin e tyre”.
Në Janar të vitit 1974, 12 Maji u zgjodh për të festuar ditën pasi është përvjetori i lindjes së Florence Nightingale, themeluesit të infermierisë moderne.
