Duke iu referuar parashikimit të sinoptikanëve, pritet që data 14 të jetë një ditë me shi, ndonëse zyrtarisht është Dita e Verës. Një ditë me shi, e bën të pamundur misionin për të gëzuar të gjitha festimet që ka organizuar Bashkia e Tiranës.
Kjo duket se ka vënë në dilemë Bashkinë e Tiranës, e cila ka përgatitur një kalendar të ngjeshur aktivitetesh për këtë ditë festive.
Kryebashkiaku Erion Veliaj bën me dije përmes një postimi në Twitter, se të gjitha parashikimet e motit e japin Ditën e Verës me shi. Sakaq, Bashkia ka përgatitur 50 aktivitete për femijë e të rritur, e për të mos çuar dëm të gjithë këtë punë, ai pyet qytetarët nëse mund të zhvendosen festimet për një datë tjetër.
“A mos ja vlen te tregohemi të zgjuar, e t’i bëjmë festimet të dielën dt. 17?”, pyet Veliaj të gjithë qytetarët.
