Ambasada amerikane ka një thirrje për të gjithë shqiptarët. Këtë radhë nuk bën fjalë për Lotarinë Amerikane, por për Ditën ndërkombëtare të Homofobisë, Transfobisë dhe Bifobisë.
Thirrja e Shteteve të Bashkuara përmes faqes së saj në Facebook, iu bërë një ftesë të gjithë shqiptarëve që të marrin pjesë nesër në ecjen vjetore me biçikletë në Tiranë.
Ambasada e SHBA shpreh mbështetje ndaj komunitetit LGBTI si dhe është kundër diskriminimit dhe homofobisë.
“Në kuadrin e Ditës Ndërkombëtare kundër Homofobisë, Transfobisë dhe Bifobisë, Aleanca LGBT dhe ProLGBT do të mbajnë ecjen vjetore me biçikleta në Tiranë, nesër, 13 maj, në orën 11, përpara Pallatit të Kongreseve. Bashkohuni me ne në mbështetje të komunitetit LGBTI kundër diskriminimit dhe homofobisë”, shkruan në postimin e saj në Facebook, ambasada amerikane.
