Greva e naftëtarëve të Ballshit ka hyrë në ditën e 17-të.
Edhe sot, ata u mblodhën para uzinës së përpunimit të naftës.
Pas disa përpjekjeve, një grup prej tyre ka mundur të futet brenda ambienteve të uzinës, pasi mundën të hapnin portën pas përplasjes me policinë private.
Naftëtarët kërkojnë librezat e tyre të punës dhe dokumentet që gjenden në uzinë.
Kreu i sindikatës, Sokol Dautaj u shpreh se do bëjnë gjithçka për të marrë atë që u takon.
“Është i gjithë fati i qytetit. Rafineria punon me naftëtarë. Të na japin ca na takon, ikim ne shikojmë hallin tonë. Hapi i radhës është shumë i qartë, kjo është në dorën e naftëtarëve, më shqip dhe qartë që i kemi shprehur kërkesat tona, nëse do ia lëmë Zotin, ne të vdekur jemi”, tha Dautaj.
