Kriza energjetike ka dhënë shenjat se ka prekur edhe institucionet. Paraditen e sotme, energjia elektrike është ndërprerë për disa minuta në Kryesinë e Kuvendit, ku zhvillohen mbledhjet e komisioneve parlamentare. Si për ironi të fatit, në Komisionin e Ekonomisë raportonte kreu i OSHEE-së, Ardian Çela, ndërsa në Komisionin e Ligjeve zëvendës ministri i Infrastrukturës dhe Energjisë, Ilir Bejtja. “Edhe aeroplani bie, edhe avioni bie, megjithatë shoh që mikrofoni është i ndezur, duhet parë çelësi i brendshëm”, tha Çela.
Një shkëndijë elektrike ka shkaktuar ndërprerjen e energjisë elektrike në Kryesinë e Kuvendit dhe zonën përreth.
Shkëndija ka ndodhur në kabinën e vendosur pranë Kryesisë së Kuvendit, dhe në vend kanë shkuar forcat zjarrfikëse dhe punonjësit e OSHEE-së.
