Kërkesa e ministrit Bushati ndaj Ilir Metës për t’i dhënë plotfuqishmërinë në bisedimet me Greqinë, ka vënë në lëvizje Presidentin e Republikës. Pas takimit me ish-presidenti Bujar Nishani, Meta ka pritur edhe pararendësin në këtë institucion Bamir Topi, ndërsa mësohet se ka kërkuar edhe mendimin e tij për këtë çështje.
Ky takim ka ardhur menjëherë pas kërkesën që ministri për Evropën dhe Punët e Jashtme, Ditmir Bushati i dërgoi Metës për nisjen e negociatave me shtetin e Greqisë. Takimi Meta-Nishani-Topi, do të ndihmojë në përcaktimin e një linjë të qartë sa i përket dhënies së autorizimit për bisedimet Greqi-Shqipëri.
Kërkesa e Ministrisë së Jashtme mbërriti dje në zyrën e presidentit, ku kërkohet plotfuqishmëria në lidhje me nisjen e negociatave dypalëshe të Shqipërisë dhe Greqisë. Kujtojmë se takimi me Nishanin u mbajt sot në orën 08:00, ndërkohë që Meta pritet të konsultohet këto dy ditë edhe me ish-presidentë të tjerë përveç Topit.
Në rastin e kufirit detar, kriteret e dakordësuara janë ato të 12 miljeve dhe të vijës së mesit mes kufirit të të dy vendeve. Nga parimi i 12 miljeve përfitonin Shqipëria dhe Greqia bashkë dhe se matja do të niste nga ishujt grekë të banuar në vitin 1913.
