Duket se ky sezon i ri televiziv do të vijë me plot surpriza. Shumë emra thuhet se do të shkëputen nga ekrani, ndonëse jo çdo gjë është e konfirmuar zyrtarisht.
Ekrani i Top Channel do të vijë me risi, ku do të vijnë figura të reja e do largohen nga ekrani ikona të këtij televizioni.
Më herët, Xhemi Shehu konfirmoi largimin e saj nga ky televizion. Ishte vetë moderatorja që e konfirmoi diçka të tillë në Instagram.
Emisioni “Dilema” nga Eno Popi e ka mbaruar ciklin e tij. Vendin e tij do e zëjë ‘Përputhen’, nën moderimin e Bora Zemanit, e cila është blerja e re e konfirmuar e TCH. Nuk dihet nëse Eno do vijë me ndonjë program të ri, dhe kur apo nëse ka ndryshuar logon e televizionit.
As Dojna Memën nuk do e shohim më në “Pop Culture”. Disa ditë më parë, nëpërmjet një Instastory, moderatorja bukuroshe ka treguar se rubrikës së këtij emisioni “Një ditë me Dojnën” i ka ardhur fundi. Kjo na çoi në përfundimin se nuk do ketë një sezon të ri për “Pop Culture”. As për të nuk dihet asgjë, nëse do të vijë me ndonjë projekt të ri.
