Dy ditë më parë, presidenti Meta tha se nuk do të ndikohet nga asnjë faktor jashtë përgjegjësive në lidhje me Teatrin, një çështje e cila ka ndarë partitë politike në kahe të ndryshme.
“Dua t’iu siguroj që në çdo vendim, nuk do të ndikohem nga asnjë faktor jashtë atyre përgjegjësive që ka presidenti në mbajtjen e qëndrimeve të tilla”, ka deklaruar Meta.
Sakaq, opozita është shprehur kundër këtij ligji, i cili i hap rrugë ndërtimit të një Teatri të ri modern dhe bashkëkohor. Po kështu edhe artistët vijojnë protestat e tyre kundër ndërtimit të Teatrit të ri, dhe opozita kundërshton fuqishëm ligjin e sapomiratuar në Parlament.
Qëndrimi në dukje institucional i presidentit Meta në lidhje me ligjin për shembjen e Teatrit, nuk i ka kaluar pa vëmendje Bujar Kapexhiut. Në qëndrimin e tij të përditshëm, ai e ka futur presidentin në një akuarium mes palëve (pro Teatrit të vjetër, apo pro atij të riut).
