Dy makina janë djegur gjatë natës në qytetin e Vlorës, në rrethana ende të paqarta. Policia bën me dije se makinat e shkrumbuara janë një BMW me targa AA 990 SE dhe një Volkswagen me targa AA 825 LU.
Nuk ka ende të dhëna zyrtare nga policia lidhur me këto dy ngjarje. Por nga hetimet e para dyshohet se automjetit tip BMW i kanë vënë zjarrin qëllimisht.
Ndërsa mjeti tjetër ka marrë flakë dhe ka pësuar djegie pasi ishte parkuar shumë afër me shënjestrën.
Policia ka mbërritur pas denoncimeve dhe ka nisur hetimet për zbardhjen e shkaqeve.
