Presidenti Ilir Meta ka theksuar sërish se përgjegjësia e dialogut mes Kosovës dhe Serbisë i takon në mënyrë ekskluzive Kosovës.
Meta lë të kuptohet kështu se çdo ndërhyrje e Tiranës zyrtare është e pavend dhe se ajo duhet të mos futet në punët e brendshme të shtetit të Kosovës.
“Dialogu Kosovë-Serbi është përgjegjësi ekskluzive e institucioneve të Kosovës”- shkruan Meta.
Presidenti deklaroi dje për mediat kosovare se ky proces i takon vetëm Kosovës. Edhe pak ditë më parë, presidenti i dërgoi një ‘mesazh’ politikanëve shqiptarë, ku tha se “një ndërhyrje e mundshme e Shqipërisë në procesin e dialogut mes të dyja vendeve do të ishte mungesë e fortë respekti për institucionet e pavarura dhe cenim sovraniteti i Republikës së Kosovës.”
