Ish-kryeministri Sali Berisha tha sonte se janë zhvilluar takime të fshehta për dialogu Kosovë-Serbi. I ftuar në “Fax News” Berisha deklaroi se çdo takim i tillë që ndodh nuk duhet besuar, ai theksoi se i beson takimeve të hapura.
Lideri historik i PD-së u shpreh se qëllimet e qeverisë Rama për ndërhyrje në përfaqësimin e Kosovës në arenën ndërkombëtare janë në favor të Beogradit.
Gjithashtu, Berisha deklaroi se Lista Serbe dhe Gjuriç janë marioneta në Kosovë
“Jam për dialogun por nuk besojë në takimet e fshehta dhe jo transparente, çdo takim i tillë që ndodh nuk duhet besuar, unë i besoj takimeve të hapura. Konstatoj se Vuçiç ka bërë gjithçka për forcimin e Listës Serbe në Kosovë. Kjo parti është marionetë e Vuçiç në Kosovë.
Shqipëria nuk ka asnjë autoritet në përfaqësimin e Kosovës në arenën ndërkombëtare. Qëllimet e qeverisë Rama për ndërhyrje janë në favor të Beogradit.
Marko Gjuriç duhet të ishte shkarkuar në vend nëse ai nuk do ishte futur në kosovë pa urdhrin e Vuçiç” deklaroi Berisha.
