Dhurimi i gjakut do të mbetet gjithmonë një mision fisnik e jetik, sidomos në këtë periudhë pandemie në të cilën po jetojmë.
Stafi i “Fundjavë Ndryshe”, së bashku me disa nga vullnetarët, kanë dhuruar gjak, duke dhënë shembull edhe për të tjerët.
Dita botërore e dhurimit të gjakut shënohet çdo vit në 14 qershor. Njerëzit janë më të prirur për të dhënë gjak vetëm në këtë ditë, e ndërsa “Fundjavë Ndryshe” u sensibilizua për të “thyer” këtë rregull, e për të shpëtuar sa më shumë jetë.
Dhurimi i gjakut shpëton me miliona jetë, dhe e përmirësojnë shëndetin dhe cilësinë e jetës të shumë pacientëve për çdo ditë.
Kjo fushatë ka për qëllim ngritjen e vetëdijes për nevojën për gjak!
“Vazhdojmë me dhurimet e gjakut në çdo qytet të Shqipërisë.
Sot vendosëm të qendrojmë në Qendrën e Solidaritetit “Fundjavë Ndryshe”, ku dhurimi u krye nga vetë stafi i “Fundjavë Ndryshe” së bashku me disa nga vullnetarët tanë.
I ftojmë të gjithë ata që kanë dëshirë të dhurojnë gjak për fëmijët talasemik të na shkruajnë ose telefonojnë në numrat e Fondacionit.
Dhuro gjak, shpëto një jetë”.
