Dorëzohet në polici 24-vjeçari Eduart Lleshi, personi që dhunoi sot mjekun Zef Doda në Lezhë. Gjatë dëshmisë së tij, ai ka thënë se e ka goditur mjekun pas një debati pasi nuk po i shërbente dhe ishte në gjendje të dehur.
Mjeku Doda u godit mesditën e sotme nga i riu brenda ambienteve të spitalit të Lezhës. Burime pranë QSUT bënë të ditur se pas përfundimit të ekzaminimit të gjendjes së mjekut Doda, është arritur në konkluzionin se ai ka thyerje të kockave të fytyrës.
Ai do t’i nënshtrohet terapisë për këto dëmtime që ka marrë në fytyrë, ndërsa do të vlerësohet në vijim nëse do të jetë nevoja që t’i nënshtrohet operacionit ose jo.
