Gjykata e Krujës ka caktuar masën e sigurisë “arrest me burg” për Saimir Kuçin. Ky i fundit është një nga personat, i cili akuzohet se bashkë me 6 të tjerë të kenë dhunuar dhe grabitur biznesmenin Nazmi Çangu në Nikël.
Grabitja e Nazmi Çangut ndodhi në orët e para të mëngjesit të 24 tetorit në Fushë-Krujë. Autorët që dyshohet se janë më shumë se dy, kanë hyrë nga pjesa e pasme e banesës duke prerë telat rrethues në dy vende të ndryshme.
Pasi kyçën në dy dhoma anëtarët e familjes, autorët dhunuan në mënyrë barbare biznesmenin Nazmi Çangu. Sipas tij, ata i morën një armë gjahu shotgan, bizhuteri e monedha floriri, si dhe para që kapnin vlerën e afro 120 mijë eurove.
Kuçi nuk është një emër i panjohur për policinë, pasi është arrestuar edhe më parë për grabitjet dhe vjedhjen e disa kasafortave dhe bizneseve në Tiranë, dhe qytetet të tjera të vendit.
