Policia njofton se është dhunuar për shkak të detyrës Drejtoresha e Agjencisë së Parqeve dhe Rekreacionit në Bashkinë e Tiranës.
Agresori është një 34-vjeçar me inicialet M.P., i cili është prangosur, pasi ka goditur për shkak të detyrës Erinda Finon, drejtuesen e Agjencisë së Parqeve dhe Rekreacionit në Bashkinë Tiranë.
Ende nuk dihen shkaqet pse drejtoresha e Bashkisë Tiranë është qëlluar nga ky person.
“Nga specialistët për Hetimin e Krimit në Komisariatin e Policisë Nr.2, u bë arrestimi në flagrancë për veprën penale “Goditje për shkak të detyrës” i shtetasit M. P., 34 vjeç, pasi ka goditur për shkak të detyrës shtetasen E. F., 40 vjeçe, me detyrë Drejtuese e Agjencisë së Parqeve dhe Rekreacionit”, thotë policia.
Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.
