Kryeministri Rama ka reaguar me anë të një postimi në rrjetin social Facebook, në lidhje me dhunimin e turistëve spanjollë në jug të vendit, nga pronari i një lokali.
Rama e cilëson barbar pronarin e lokalit, ndërsa uron që ai mos t’i shpëtojë drejtësisë.
Po kështu, Rama shton se pronari i lokalit, shkeli mbi kodin e shenjtë të mikpritjes shqiptare, duke na turpëruar të gjithëve.
“Barbari që goditi miqtë spanjollë, shkeli mbi kodin e shenjtë të mikpritjes shqiptare, duke na turpëruar të gjithëve.
Mikpritja është fuqia më e pakonkurueshme e turizmit shqiptar, e cila mbreson të gjithë të huajt që na vizitojnë dhe përtej difekteve, mungesave e sjelljeve jo gjithnjë të dëshiruara në shërbimet tona turistike, që me kohën e me eksperiencën do të fashiten, agresioni i mbrëmshëm është një njollë turpi për të mos u harruar kurrë.
Miqve spanjollë i kemi kërkuar qysh në momentin e parë, ndjesat tona dhe ata do të rikthehen përsëri. Ndërsa barbari uroj të mos i shpëtojë dot duarve të drejtësisë”, shkruan Rama.
