Një shqiptarë është dënuar me 7 vjet burg, pasi kishte kërcënuar vazhdimisht ish-gruan e tij, madje edhe para vajzës 3-vjeçare, pasi ajo kishte vendosur ta linte atë për shkak të xhelozisë së tij. Skema dhunë, telefonata kërcënuese me vdekje nëse ajo nuk do kthehej tek ai etj, ishin çmenduritë e shqiptarit. Por jo vetëm, në një rast ai e kishte detyruar gruan të kryente marrëdhënie seksuale me një 29-vjeçar, shok të tij, raporton ilgiorno.it.
Këto janë arsyet se pse 35-vjeçar shqiptar, u dënua me 7 vjet për keqtrajtim dhe dhunë seksuale. Prokurori Davide Palmieri kishte kërkuar 8 vjet. Ngjarjet ka ndodhur për një periudhë kohorë nga tetori i vitit 2016 deri në shkurt të vitit 2017, në Bergamo.
Ata ishin martuan në vitin 2008 dhe deri në vitin 2016 ata jetonin në Greqi. Por, dy vjet më para ata kishin shkuar për të jetuar në Itali, edhe pse nuk kishin një leje qëndrimi.
Si fillim kishin qëndruar tek motra e gruas shqiptare, e më pas tek vëllai i shqiptarit. Sipas aktakuzës, ai do kishte qenë protagonist i keqtrajtimit për shkak të xhelozisë së tij. Marrëdhënia ishte e trazuar. Të dy patën shpeshherë disa ndarje të përkohshme, pastaj ribashkoheshin sërish për hir të vajzës së tyre. Ai ishte xheloz dhe nuk e lejonte atë që të takonte njerëz të tjerë.
“Nuk është e vërtetë”, ka thënë avokatja e 35-vjeçarit, Isabella Colombo.
Sa i përket dhunës seksuale, i akuzuari ka thënë se gruaja e kryente marrëdhënie seksuale me dëshirë. Pastaj mohon keqtrajtimin. Ai pranoi vetëm se kishte ngritur zërin ndaj saj. Por asnjë kërcënim, kjo ishte teza e mbrojtjes. TIRANA TODAY
