Policia parandalon përshkallëzimin e mëtejshëm të dy rasteve të dhunës në familje në Malësinë e Madhe.
Një 53-vjeçar i identifikuar me inicialet B.K, u arrestua në kushtet e flagrancës, pasi ushtronte dhunë fizike ndaj bashkëshortes së tij.
Gjatë kontrollit në banesën e tij, shërbimet e Policisë gjetën dhe sekuestruan një armë zjarri automatik, një armë gjahu çifte dhe 252 fishekë, të cilat i mbante me leje.
Gjithashtu, shërbimet e Policisë, kanë bërë arrestimin në flagrancë të shtetasit F. P., 53 vjeç, pasi ka ushtruar dhunë fizike dhe psikologjike ndaj bashkëshortes së tij.
Materialet i kaluan Prokurorisë, për veprime të mëtejshme, për veprat penale “Dhuna në familje”, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe mbajtja pa leje e armëve të gjuetisë dhe sportive” në ngarkim të shtetasit B. K. dhe për veprën penale “Dhuna në familje” në ngarkim të shetasit F. P.
