Kryetarja e LSI-së Monika Kryemadhi, ka reagua pas publikimit të pamjeve të dhunës së ushtrua ndaj banorëve në fshatin Vërri të Fierit. Gjatë deklaratës së saj për media ajo është shprehur se është një akt i pa precedentë dhe duhet ndalur. Sipas saj të gjithë duhet të ngrihemi që të ndalim instalimin e impiantit të djegies.
Pjesë nga deklarata
Sot janë dhunuar disa njerëz në Vërri se kanë mbrojtur tokat e tyre. Kjo ka ndodhur se një kompani ka fituar një tenderë korruptiv, për të djegur plehrat.
Beteja në Vërri nuk është beteja e banorëve, por edhe gjithë të qytetarëve. I bëj thirrje çdo militanti të LSI, që të shkoj atje në ndihme të tyre.
I bëj thirrje të gjitha mediave që të pasqyrojnë këtë dhunë të rëndë në veri. I bëj kompanisë që të heqë dorë se do të jetë shumë vonë.
I bëj thirrje Edi Ramës që të heqë dorë nga plehrat se do të përfundoj vetë në kazanin e plehrave.
I kërkoj Edi Ramës që të mbaj premtimin, për mos ndërtimin e këtij inceneratori.
I bëj thirrje dhe krye bashkiakut i cili me dhunë po merr firmat e kryepleqëve, Mund të fitosh katër firma po nuk do ndalësh dot revoltën e qytetarëve.
Prandaj u bëj thirrje të gjithëve që të marrin pjesë në protestë e 27 janarit, për të ndaluar këtë akt të qeverisë.
