Ministria e Punëve të Jashtme e Kosovës ka reaguar për situatën e krijuar në Maqedoni. MPJ-ja i ka cilësuar si dëmtuese për demokracinë, paqen dhe stabilitetin e Maqedonisë. MPJ shprehu besimin se aktorët politikë do të tregojnë vullnet për të dialoguar për zgjidhjen e krizës politike.
Deklarata e plotë e MPJ-së:
“Sjelljet e këtilla të dhunës dhe përplasjet kundër përfaqësuesve të zgjedhur në Maqedoni konsiderohen nga MPJ-ja si të papranueshme dhe dëmtuese për demokracinë, paqen dhe stabilitetin në shtetin fqinj. Në frymën e apelit të vendeve të BE-së dhe SHBA-së në Maqedoni, ne besojmë se të gjithë aktorët politikë do të tregojnë vullnet për të dialoguar për interesin e të gjithë qytetarëve pa dallim etnie dhe jo retorikë që përshkallëzon situatën e tensionuar. Dhuna nuk ndihmon kurrsesi në zgjidhjen e situatës së krijuar dhe qytetarët e Maqedonisë presin daljen sa më parë nga kriza dhe vijimësinë e procesit të funksionalizimit të institucioneve në rrugë demokratike”.
