Pas dorëheqjes së tij si president i Bolivisë, Evo Morales ka zbarkuar në Meksikë, ku i është ofruar azil.
Përmes një postimi në Twitter, Morales thotë largimi nga Bolivia ishte i dëmshëm por do të kthehej me më shumë forcë dhe energji. Nga ana tjetër ministri i Jashtëm i Meksikës, Marcelo Ebrard, deklaroi se për Morales ishte dërguar një aeroplan i qeverisë.
Komandanti ushtarak i Bolivisë urdhëroi trupat të mbështesin policinë që janë përleshur me mbështetësit e Morales. Rreth 20 persona u raportuan të plagosur në përleshje. Morales më parë u bëri thirrje mbështetësve të tij t’i rezistojnë “fuqive të errëta” që e kishin detyruar të hiqte dorë.
Ai gjithashtu shpërndau një foto të asaj që e përshkroi si “natën time të parë pas largimit nga presidenca e detyruar nga grushti i shtetit e organizuar nga lideri i opozitës Carlos Mesa dhe aktivisti i opozitës Luis Fernando Camacho me ndihmën e policisë”.
