Disa media amerikane aludojnë se pas propozimit të presidentit Trump për injeksionin me dezinfektues, qëndron një predikues. Siç duket, Donald Trump bëri deklaratën shokuese pas letrës së një predikuesi të mirënjohur në Florida.
Po sipas mediave, letra mendohet se i ishte dërguar presidentit amerikan ditë më parë. Mark Grenon, i njohur si kryepeshkop i kishës Gen Genesis II ’, ka vite që shet ‘produktin e mrekullueshëm’ të tij nën markën MMS, duke pretenduar në mënyrë mashtruese se ilaçi i tij mund të kurojë 99% të të gjitha sëmundjeve. Përfshirë kancerin, SIDA-n dhe madje edhe autizmin.
Në letrën e tij, Grenon e ka siguruar presidentin amerikan se produkti është në gjendje të shërojë pacientët e COVID-19.
Pas deklaratës së Trump, menjëherë shpërthyen një mori kritikash. Nga ana tjetër, ekspertët i quajtën komentet e tij si të papërgjegjshme dhe të rrezikshme.
Por Trump nuk i ka lënë pa një përgjigje kritikët, të cilët e vunë me ‘shpatulla pas murit’. Disa orë më vonë, Trump reagoi sërish duke thënë se ishte një sarkazëm.
“Unë e bëra atë deklaratë me sarkazëm, që reporterët si ju të shohin se çfarë do të ndodhte”, tha ai pasi nënshkroi një paketë të katërt për të ndihmuar ekonominë amerikane me një vlerë prej 500 miliardë dollarësh.
