Menjëherë pas caktimit të detyrës së re për Damian Gjiknurin, si sekretar për Reformën Zgjedhore në PS, një reagim ka ardhur nga ana e PD-së. Përmes zëdhënëses Ina Zhupa, PD i përmend Gjiknurit çështjen e vjedhjes së votave në Dibër, e njohur ndryshe si dosja 184. Ajo citon më tej se personi që duhej të ishte në burg, sot ka marrë stafetën të jetë në krye të reformës zgjedhore.
Kryesia Socialiste i ngarkoi sot ish-ministrit të Infrastrukturës, Damian Gjiknuri, funksionin e Sekretarit dhe Koordinatorit të Reformës Zgjedhore. Sipas PD-së, personi që sot duhej të ishte në burg si përgjegjës për falsifikimet e projektit tek “Unaza e Re” merr postin e kreut të reformës zgjedhore, ndërsa shton se opozita shqiptare është e vendosur për të mos lejuar mbajtjen e zgjedhjeve me modelin si ‘Dosja 339’ dhe ‘Dosja 184’.
