Detaje tronditëse janë zbardhur lidhur me aksidentin e ndodhur gjatë pasdites së sotme pranë Gjirit të Lalzit. Një aksident me pasojë një të vdekur ka ndodhur në fshatin Rrotull, ku gjatë parakalimit në një kthesë, janë përplasur dy automjete.
Një nga makinat e përfshira në aksident ishte një fuoristradë, ku udhëtonte një shtetas francez dhe e fejuara e tij, ndërsa në makinën tjetër dy motra dhe fëmijët e tyre, 5 persona.
Si pasojë e përplasjes, njëra nga motrat ka mbërritur pa jetë në urgjencën e Durrësit, ndërsa personat e tjerë të përfshirë në aksident janë jashtë rrezikut për jetën.
