Detaje të reja janë hedhur në dritë lidhur me atentatin në Vlorë. Mësohet se disa persona kanë qëlluar me armë, duke lënë të vdekur dy persona, e një i tretë ka mbetur i plagosur. Paraprakisht dyshohet se viktimat janë dy të rinjtë e identifikuar si A.Rexho dhe A.Hasani, të cilët janë dërguar në morgun e Vlorës, ndërsa i plagosuri A. Sulejmani ndodhet në spital, jashtë rrezikut për jetën.
Bëhet me dije se të shtënat kanë ndodhur pas një sherri të momentit mes disa personave. Autorët janë larguar nga vendngjarja me makinë, të cilën e kanë djegur vetëm pas pak minutash.
Grupi hetimor që ndodhet në vendin e ngjarjes, aktualisht po mbledh provat dhe po punon për zbardhjen e plotë të rastit.
LAJM I FUNDIT/Të shtëna arme në Vlorë, dy të vdekur e një i plagosur
