Forcat RENEA kanë zbarkuar në qytetin e Elbasanit, një operacion i cili është zhvilluar rreth orës 05:00 të mëngjesit të sotëm. Dëshmia e dhënë nga Nuredin Dumani pas arrestimit nga ana e forcave RENEA në qytetin e Fierit, ka çuar drejtësinë tek persona që lidhen me shumë ngjarje kriminale në qytetin e Elbasanit.
Mësohet nga burime jo zyrtare se me urdhër të Prokurorisë se Posaçme, janë rreth 10 persona të cilët pritet të arrestohen në këtë qytet.
Personat të cilët pritet të arrestohen janë pjesëtarë të grupeve kriminale që operojnë në qytetin e Elbasanit. Mes tyre janë dhe oficerë policie, të cilët dyshohet se kanë abuzuar me detyrën. Struktura e Posaçme ka lëshuar në total 32 urdhër-arrestesh, 19 vetëm në Elbasan.
