Mëngjesin e sotëm, në ishullin e Sazanit ka nisur asgjësimi i disa municioneve. Forcat e Armatosura kanë nisur operacionin për asgjësimin e municioneve të grumbulluara në ishullin e Sazanit. Një procedurë që do zgjasë deri në orën 17:00.
Sipas komandës së Forcës Detare, operacioni do të zhvillohet nga ora 9:00 e mëngjesit deri në orën 17:00.
Ndërkohë bëhet me dije nga autoritetet se gjatë orarit të zhvillimit të operacionit, nuk do të lejohen lëvizje të mjeteve lundruese përreth ishullit deri në rrezen e 2 milje detare.
