Uniformat blu kanë vënë në pranga një oficer policie, pasi u kap në flagrancë me dy persona të tjerë duke trafikuar kokainë. Arrestimet u bënë me urdhër të SPAK, dhe në pranga ranë polici Elefterios Sullaj, si dhe Mikel Zhegu e Eris Tafa, ky i fundit ishte në “arrest shtëpie”.
Arrestimi i tyre u bë mëngjesin e 1 korrikut në flagrancë në kryqëzimin e Rrugës së “Kosovarëve”, ndërsa automjeti ku u gjet sasia e kokainës drejtohej nga punonjësi i policisë Sullaj.
Prokuroria e Posaçme, SPAK, ka dhënë detaje lidhur me arrestimin e efektivit të Policisë së Shtetit, teksa u kap me kokainë në makinë. Bashkë me efektivin në makinë si pasagjerë ndodheshin; Mikel Zhegu, i cili akuzohet për “prodhim dhe shitje të narkotikëve”; Eris Tafa, akuzohet për “largim i të burgosurit nga vendi i qendrimit”.
Gjatë kontrollit në automjet, u gjet dhe u sekuestrua në cilësinë e provës materiale një qese plastike transparente, në brendësi të së cilës kishte material pluhuri me ngjyrë të bardhë, e dyshuar lëndë narkotike kokainë.
