Dalin detaje të reja lidhur me nisjen e protestës së opozitës. Mësohet se në protestë nuk do të ketë fjalime të liderëve të opozitës, por të qytetarëve të thjeshtë.
Protesta do të hapet nga një vajzë e re nga Shkodra, ndërsa më pas fjalën do e marrin përfaqësues që mbrojnë kauzën e Teatrit, si dhe banorët protestues të Unazës së Re, të cilët janë në qendër të protestës.
Po ashtu, do të ketë përfaqësues nga biznesi i vogël, një pedagog, fermer, artizan dhe sipërmarrës i ri.
Më pas, qytetarët do të jenë të lirë ta marrin fjalën për të shprehur revoltën e tyre.
