Pas klipit të shumë diskutuar të Elvana Gjatës, “Tavolina e mërzisë”, fansat mbeten në pritje të premierës së filmit që u shty për shkak të largimit të saj nga skena, pas ngjarjes në zonën e ish-Bllokut, ku i përfshirë ishte dhe i fejuari i saj Ervin Mata. Skundër është njoftuar edhe më herët, përmes postimeve nga ana e Ermal Mamaqit, filmi pritet lançohet shumë shpejt në kinematë e Shqipërisë, Kosovës dhe Maqedonisë. Në një prej skenave bie në sy prezenca e kryebashkiakut të Tiranës, Erion Veliaj.
Ai ka pranuar të jetë pjesë e skenës kulminante, ku Elvana ngjitet në altar me të dashurin e saj në film, Ermal Mamaqin, i cili në këtë rol quhet Ervin, njësoj si ish-partneri i saj.
View this post on Instagram
Së shpejti 2Gisht Mjaltë në të gjitha Kinematë. Shqipëri, Kosovë, Maqedoni ? @elvanagjataaaa ???
Ermali në film quhet Ervin, i cili në fakt është dhe emri i ish-partnerit të Elvana Gjatës, që është i përfshirë në ngjarjen e rëndë të ndodhur më 4 tetor të 2018-s në ish-Bllok, ku mbeti i vrarë një person. Gjithashtu në një pjesë të filmit, Elvana mësohet se aksidentalisht ndodhet në një makinë ku kishte drogë, dhe pasi pikaset, arrestohet nga policia.
Si për ironi të fatit, ky skenar i paraprin problemeve të partnerit të saj Ervin Mata, ku shkak për mosmarrëveshjen e 4 tetorit të vitit të kaluar, dyshohet se ishte një sasi e konsiderueshme kokaine.
