Një biznesmen nga Peqini, shtetasi Skënder Zeqiri, 76 -vjeç, është grabitur nga një çift bashkëshortësh, të cilët i kanë marrë nga banesa sende me vlerë të konsiderueshme. Nga veprimet paraprake të kryera nga policia, rezulton se në banesën e tij ka shkuar një çift, me pretendimin se gruaja kishte nevoja personale. Ata dyshohet se i ka dhënë për të pirë një shishe me lëng te moshuarit, duke i paralizuar kujtesën.
“Rreth orës 14.00, policia u njoftua se në lagjen “Xhami” të Bashkisë Peqin, është vjedhur një banesë. Menjëherë u ngrit grupi hetimor dhe u shkua në banesën që ishte e vjedhur, dhe i përkiste shtetasit S.Z. 76-vjeç”, sqaron policia.
Nga veprimet paraprake të kryera rezulton se në shtëpinë e tij ka shkuar një çift, me pretendimin se gruaja kishte nevoja personale. Ata dyshohet se i ka dhënë për të pirë një shishe me lëng të moshuarit, duke i paralizuar kujtesën.
Po kështu, grupi hetimor ka kryer të gjitha veprimet duke grumbulluar çdo provë të mundshme, që do çonte në identifikimin dhe kapjen e autorëve. Personit të dhunuar i është marrë mostër gjaku, për të përcaktuar nëse ka element toksikologjikë, si pasojë e konsumimit të lëngut.
“Dy shtetasit ende të paidentifikuar kanë marrë një shumë parash dhe janë larguar pa ushtruar dhunë ndaj të zotit të banesës, i cili tashmë ndodhet në spital, për ndihmë mjekësore si pasojë e pijes së konsumuar.
Grupi hetimor ka kryer të gjitha veprimet, duke grumbulluar çdo provë të mundshme që do çonte në identifikimin dhe kapjen e autorëve. Njëkohësisht shtetasit i është marrë mostër gjaku, për të përcaktuar nëse ka element toksikologjikë si pasojë e konsumimit të lëngut”, thuhet në njoftimin e policisë. Materialet hetimore i kaluan Prokurorisë, për veprën penale të “Vjedhjes”.
