Një shpërthim eksplozivi ka ndodhur në orët e para të ditës në Elbasan. Burimet paraprake të policisë bëjnë me dije se shpërthimi ka ndodhur pranë një lokali në qendër të qytetit, në lagjen “Luigj Gurakuqi”.
Nga të dhënat e grupit hetimor, dyshohet se kanë qenë rreth 100 gram lëndë plasëse artizanale, e vendosur jashtë një lokali me administrator Mateo Toçin, ish-futbollist i Elbasanit. Fatmirësisht nga shpërthimi nuk ka persona të lënduar, por vetëm dëme materiale.
Njoftimi i policisë:
Në orët e para të mëngjesit në lagjen “Luigj Gurakuqi”, Elbasan në pjesën e jashtme të lokalit me administrator shtetasin M.T., në pjesën e jashtme të lokalit ka shpërthyer një sasi e vogël dyshohet lëndë plasëse, duke shkaktuar vetëm dëme të vogla materiale. Grupi hetimor po punon për zbardhjen dhe sqarimin e rrethanave të ngjarjes, identifikimin dhe kapjen e autorit/ëve.
