Policia ka zbardhur detajet e para në lidhje me plagosjen në Peqin. Uniformat blu kanë identifikuar autorin e plagosjes së 31-vjeçarit.
Ngjarja ka ndodhur në orën 20:10, ku si pasojë e një konflikti të çastit, është plagosur me armë zjarri në këmbë shtetasi B. H., 31 vjeç, banues në Peqin.
Ky i fundit ndodhet jashtë rrezikut për jetën. Autori i dyshuar i ngjarjes është shtetasi me inicialet A. M., e ndërsa vijon puna intensive për kapjen e tij.
Njoftimi
Peqin
Plagosi me armë zjarri 31-vjeçarin në qytetin e Peqinit, Policia në kohë reale identifikoi autorin.
Rreth orës 20:10, në qytetin e Peqinit, si pasojë e një konflikti të çastit është plagosur me armë zjarri në këmbë shtetasi B. H., 31 vjeç, banues në Peqin, i cili është dërguar për ndihmë mjeksore në spitalin rajonal Elbasan, jashtë rrezikut për jetën.
Shërbimet e Policisë dhe grupi hetimor shkuan menjëherë në vendngjarje dhe falë veprimeve të shpejta bënë të mundur identifikimin e autorit të dyshuar të ngjarjes, shtetasin A. M. dhe vijon puna intensive për kapjen e tij.
Grupi hetimor, nën drejtimin e Prokurorisë, po vijon veprimet për zbardhjen e plotë të motivit dhe rrethanave të ngjarjes.
